MIZO DAY (Vawi 31-na) 2024 Ropui Taka Hman A Ni

Mizo Society of America Maryland Branch buatsaih, MIZO DAY vawi 31-na chu September 2nd, 2024 khan Rockville khaw chhunga F. Scott Fitzgerald Theatre-ah buaisaih a ni a, Mizoram Chief Minister Pu Lalduhoma chu khuallian (Guest of Honor) a ni a, thusawina hun pek a ni.

Pu Lalduhoma hian Zofate inpumkhatna lam hawi thu a sawi a. Zofate inlungrualna tur leh insuihkhawm theihna tur thu thahnemngai takin a sawi a. Chubakah ramri hung (Border Fencing) chungchanga Mizoram CM a nih anga hma a lak dan leh Zo fate hma hun thlir chunga nghet taka a dinna thute a sawi tel bawk a ni.

Mizo Day lawmnaah hian Chief Minister Discretionary Fund atan kohhran leh pawl hrang hrang atanga sum lut total US $37,460.00 hmuh a ni. Pu Lalduhoma hnenah US President’s Lifetime Achievement Award hlan a ni bawk a, MSA Maryland branch-in a lawmpui tak zet a, lawmpui certificate pawh an hlan bawk a ni.

Mizo Day-ah hian USA state 11 atangin Zohnahthlak hnam peng hrang hrang lo kal mipui 700 vel an pung khawm a, hnam lam leh hnam thuamte entirin, kum upa chawimawina te, zirlai graduate-te chawimawina te leh hla mawi ngaihthlakna te neih a ni. Tin, he program zawh hian ruaithehna bautsaih a ni bawk.

A hnuaiah hian Mizo Day 2024 program thlalak thenkhatte a thlir theih a. Tin, CM Pu Lalduhoma dawn US President's Lifetime Achievement Award leh MSA Maryland Branch lawmpuina certificate pawh a thlir bawk e.