MSA Branch Intlawhtawnna Leh Kumpuan Kaihhruaina

MSA Central Executive Committee-in a rel angin a hnuai ami ang hian MSA branch-te intlawh tawnna leh Kumpuan kaihhruaina siam a ni a.

BRANCH INTLAWH TAWN:

MSA branch intlawh tawn tur bik hruaitute inberawnin, intlawhtawn hun leh ni te, a tlawhtu tur zawk te ruat ni se la. Program pawh a duangtu tur inruat emaw, join meeting- in emaw duan ni se. Thalaiten nuam an tih dan tur leh anhlim theih dan tura duangin a hnuaia thupui hrang hrangte tinzawn chunga items siam ni se. Entirnan; thusawi, lemchan, zai, infiamna, eiin leh thil dang dang.

BRANCH INTLAWH TAWN THUPUI:

1. MSA member-te kan inhriatpawh tawn a, lungrualna leh thawhhona tha kan neih leh zual theih nan.

2. Mizo hnam hmangaihna thinlung kan neih lehzual theih nana infuih.

3. Kan hnam hla hrang hrangte kan theihnghilh mai loh nan atheih anga tam sak ho.

4. USA-ah Mizo-te kan lo pun belh deuh deuh theih nan keimahni hnampui ngei kawppui atan nei tura thalai te fuih.

5. Mizo nunphung (Culture) leh Zonunmawi inzirtir.
   

KUMPUAN:

Kum 2021-a Central MSA kumpuan ‘Mizo tawng uar kum’ a nih angin, a hnuaia Kumpuan kaihhruaina hrang hrangte tihlawhtling turin MSA branch hrang hrangten kan theihna zawn leh a remchan dan ang zela theihtawpa hma la theuh turin kan inngen a ni. Tin, heng kan han tarlan ang ni lem lo, USA-a Mizo te zinga Mizo tawng kan uar leh zual theihna tur kan hria anih pawhin a leng vek tho a. Branch hrang hrangte kan dinhmun inchen vek lo mah se, kan theih ang tawk tawka branch tin ten hma kan lak theuh chuan, chu MSA tanrualna chuan rah tha tak a la chhuah ngei dawn a ni.

KUMPUAN KAIHHRUAINA:

1. Kan hnam inpumkhatna tha kan neih zel theih nan, Mizo tawng hi chhawm nunga hmang uar deuh deuh tura tan lak ni se.

2. Kan tu leh faten Mizo tawng an bo loh nan, MSA member-te chuan kan fate zirtirin kan in chhung khurah Mizo tawng chauh hman tum ila.

3. Mizote tan Mizo tawng pawimawhzia hre turin thangtharte fuih thin ni se.

4. Mizo tawng thatna leh hlutnate, a theih anga tam phochhuah tum ila.

5. Mizo tawng hi kan tawng a ni a, chuvangin dik tak leh uluk taka hmang tura zir thin ni se.

Note:

1. Central MSA chuan branch-te zingah Kumpuan bawhzui tha lawmman a siam dawn bawk a ni.

2. CMSA kumpuan sub-committee-te huaihawtin kumpuan bawhzui nan, September 19, 2021 ah hian Webinar buatsaih tur a ni a. Mipui atam thei ang bera tel tura beisei a ni.

3. Kumpuan sub-committee-te buaipuinain Kumpuan lam hawia thu inziah siakna CMSA hminga buatsaih bawk tur a ni a, lawmman pawh tha tawk tak siam a ni ang.