Official 2023 Membership Directory Bu Tlangzarhna

Central MSA General Secretary, Pu Sei Khuma’n Chapchar Kutah MSA Membership Directory a tlangzarh a. Directory hi phek 90 a chhah niin branch hrang hranga awm, MSA member te hming te, address te, phone number te leh email address te a awm a ni.

“Mizote hi USA leh Canada-ah hmun hrang hrangah kan awm darh ve tawh a. Mahni hna theuhah kan tul hlawm avangin khaw khata awm te pawh kan inhre kim thei tawh lo a. Chuvangin, kan inhriat pawhna atan directory buatsaih a ni a. Directory hi hun rei tak chhungin hmanmawh lo taka buatsaih a ni na-in, mi tamtak chu dinhmun insiam mek te kan nih avangin pem chhuak leh awmna insawn kan awm deuh reng a. Thleng thar leh nau piang thar kan nei reng bawk nen, address a inthlak reng mai a. Kan inbuatsaih hun a rei pauh leh siam that ngai a tam sauh a ni” tiin Pu Sei Khuma’n a sawi a.

Mimal leh chhungkaw privacy inngaih pawimawhsak theuh turin leh directory-a address te, email leh phone number te hi anmahni phalna lo chuan social media-a tlangzarh lo turin a chah bawk a ni.